22–25 September, Cradock
Gratis toegang vir alle programitems
Feesorganiseerder: Darryl David (davidd@ukzn.ac.za / 081 360 9231)
Die bekende feesorganiseerder Darryl David het aangekondig dat die tweede Etienne van Heerden Veldsoirée vanjaar oor die langnaweek 22–25 September op Cradock en Somerset-Oos en in die Cradock-distrik sal plaasvind.
“2017 se Veldsoirée was iets besonders,” het Darryl gesê. “Dit was een van daardie onvergeetlike feeste waar almal vir drie dae met ’n breë glimlag op hul gesigte rondgeloop het. En die toer na Schreiner se sarkofaag – dit bly die hoogtepunt van my alternatiewe lewe as feesimpresario. Die Etienne van Heerden Veldsoirée bly my mees egte Karoofees.”